"A tous ceulz qui ces présentes lettres verront, les esleuz pour le roy, nostre sire, sur le fait des aides ordonnés pour la guerre en la ville et ellection de Beauvais, salut.

De la partie des manans et habitants de la ville et la paroisse de la Neufville en Hez, nous ont estéz présentéez les lettres patentes du roy nostre dit seigneur, seelléez de son seel en simple queue et cire jaune, en nous requérant l'entérinement d'icelles, desquelles, ensemble des lettres données de nos seigneurs, les généraux conseillers du roy, nostre dit seigneur, sur le fait et gouvernement de ses finances, attachéez à la marge des dictes lettres rauaulx, soubz l'un de leurs signetz, les teneurs s'ensuivent:

• Loys, par la grâce de Dieu, roy de France, à nos amèz et féaulx les généraux conseillers par nous ordonnéz, sur le fait et gouvernement de toutes nos finances, aux esleuz sur le fait des aides en l'élection de Beauvais, ou à leurs commis, salut et dilection.

• Savoir vous faisons que nous, ayant considération à la grant povreté en laquelle les habitants de la paroisse de la Neufville en Hez sont à présent constitués à l'occasion des guerres qui ont par le long temps eu cours en nostre royaume et pour plusieurs autres tribulactions, fortunes et nécessités qui leur sont survenus le temps passé en diverses manières, tèlement que la dite paroisse est très grandement apovrie et diminuéede habitants et de chevance, considéeans aussi que au dit lieu de Neufville qui est situé en forest et payus fotr infertile et où il nr croît que très peu de biens, fait et entrtenement de noz gens de guerre, ou autrement, pour quelque cause que ce soit et de ce les avons exemptéz et Monseigneur saint loys, nostre prédécesseur de glorieuse mémoire fut né et y print naissance, ainsi qu'il nous a esté affermé, ausdits habitants de Neufville qui sur ce nous ont très humblement supplié et requis, pour ces causes et pour honneur et révérence de mondit seigneur saint loys, et affin que lesdiz habitants se puissent mieulx ressourdre, remectre sus et repeupler le dit village, et pour autres considéractions à ce nous mouvans, avons ottroyé et ottroyons, voulons et nous plaist de grâce espécial par ces présentes, que de cy à sept ans prouchains venans, ilz soient et demourent francs, quictes et exemps de toutes les tailles qui seront dores en avant mises sus et imposées de par nous en nostre royaume, soit pour les affranchis, exemptons et affranchissons, ledit durant, de nostre grâce espécial, par ces mesmes présentes.

• Sy vous mandons et enjoignons et à chacun de vous, en commectant où il appartendra, que lesdiz habitants de la Neufville vous faites et souffrez joïr et user paisiblement de noz présens affranchissemans, grace et ottroy, sans leur faire ne souffrir estre fait, miz ou donné, durant ledit temps, aucub arest, destourbier ou empeschement au contraire en corps ne en biens, en aucune manière.
• Car ainsi nous plaist-il estre fait, nonobstant que par nos lettres de commission qui sont et seront par nous donnéez, pour mettre sur les dittes tailles, soit mandé imposer à ycelles toutes manières de gens, exemps et non exemps, privilégiéz et non privilégiéz, en quoy ne voulons lesdiz habitants estre comprins ne entendus en aucune manière ès quelzconques ordonnances, mandements ou deffenses à ce contraire.

Donné à Compiègne, le XIIème jour d'aoust, l'an de grace mil CCCC sixante huit, et de nostre règne le huitième.

Ainsi signé: Par le Roy, Lonseigneur le duc de Bourbon, le vicomte de Bellière et autres plusieurs présents.

Ainsi signé: DE Lalorre.